Штогод у першую нядзелю верасня ў Беларусі ладзіцца Дзень беларускага пісьменства – свята ў гонар асветнікаў, якія працавалі і працуюць зараз на ніве беларускага кнігадрукавання і літаратуры. Сталіцамі ўрачыстага мерапрыемства становяцца гарады – славутыя гістарычныя цэнтры навукі, культуры, літаратуры, кнігадрукавання.
Сёлета сталіцай дваццаць сёмага Дня беларускага пісьменства стаў горад Бялынічы. Некаторыя настаўнікі нашай школы і вучні з бацькамі ў гэты дзень наведалі свята. Мы мелі ўнікальную магчымасць пазнаёміцца з навінкамі кнігавыдавецтваў, сустрэцца з беларускімі пісьменнікамі і дзеячамі культуры, наведаць адноўлены мастацкі музей В. Бялыніцкага-Бірулі, прыняць удзел у шматлікіх лакацыях з творчымі актыўнасцямі.
Нам усё вельмі спадабалася, і мы яшчэ раз пераканаліся, што беларускае друкаванае слова мае не толькі багатую гісторыю, але і вельмі сучаснае ў нашы дні.
Настаўнікі беларускай мовы і літаратуры Зяткіна Н. М., Бясцэнная А. Ф.